Market Update

英國固網寬頻速度

Market Update / By

英國固網寬頻速度 今次講下一樣對香港人(應該係任何人！)都好重要既事—上網速度。大家都知道寬頻速度會影響上網流暢度，無論睇 Facebook, Instagram或新聞，尤其係睇劇，咁多日、韓、歐美劇要睇，寬頻速度慢就真係睇得唔過引。香港固網寬頻速度普遍既速度最少都100MB，甚至乎1,000MB都有，但來到英國就真係要忘記香港上網速度。 根據最新 Speedtest Global Index 於2022年11月做的固網寬頻平均速度統計，全球最快竟然係智利(216MB)，香港排第 5名(194MB)，英國排55名(73MB)。睇速度英國唔係好差，但事實係英國不同街道，網速會有好大分別。問題在於個條街有冇鋪新線或光纖線。可能有人會話冇光纖咪用無線上網囉，咁你就要先肯定你個區無線電話網絡覆蓋得好好先好買 plan。   記得初初來到時住既街道都算近市中心，但寬頻速度最高得 15MB(SKY) ，仲有時有時冇，當時小朋友要zoom上堂都有問題。尤其大雨更加斷網。一個月斷線一兩次等閒事，有次我見到個維修員係外面整緊就走去問佢點解成日斷線，佢話我呢條街D電話線好舊，個總駁口(係地底)一浸就有機會斷線，咁我問點解唔鋪光纖，佢話公司覺得要掘地鋪成本太貴，加上條街需求唔太多，所以冇計劃重鋪。咁我唯有即刻買張無限上網咭(Vodafone) 插WIFI蛋做後備，點知下下要攞上一樓仲要放係窗簾架上要收得好D！我並非說英國不是，只係說事實。所以揾屋時一定要睇下有冇光纖或者睇下平均上網速度先好租，否則睇睇下大結局停左就無謂啦！ 相信大家都知道網上好多寬頻價錢比較網站，如Moneysupermarket, Comparethemarket, Uswitch, gocompare等等。但記得唔好睇入完Postcode既結果，要睇入埋地址既結果先比較準確。以我以前住址為例，係Moneysupermarket入完Postcode既結果SKY有59MB，但入埋地址既結果就得番12-22MB，就係因為條街無鋪新線或光纖! 至於邊間寬頻公司最好? 就要好睇你住係邊條街嗱! 但根據Broadband.co.uk於2022年12月做的固網寬頻平均速度統計，Virgin Media 最快，跟住係Vodafone，但Virgin Media覆蓋率唔係好高，如果你條街有就恭喜你，我就無咁好彩啦! 係英國租樓的確好多野煩，所以我地提供既服務可以免除你大部份煩惱。想了解多D我地服務，歡迎隨時致電查詢 +44 7827130135。 Moneysupermarket:  https://www.moneysupermarket.com/broadband Broadband Speed Test: https://www.broadband.co.uk/broadband-speed-test/ Speedtest Global Index: https://www.speedtest.net/global-index 聯絡我們

成功個案（Cheadle Hulme）

Market Update / By

成功個案（Cheadle Hulme） 呢個係去年其中一個成功租務個案，位於Cheadle Hulme，屬於曼城南部Stockport Council。Cheadle Hulme居民主要為本地英國人，治安良好，出名中學有Cheadle Hulme High School (State School)，Cheadle Hulme School (Independent School) 。揸車到到曼城市中心大約25分鐘，到Trafford Center(英國第三大購物中心)約15分鐘車程。區內有火車站(到曼市)，高檔Waitrose超市及中低檔 ASDA及Co-op超市，10分鐘車程可到Tesco Extra, Sainsbury, B&Q, Halford, TKMaxx, Furniture Village, M&S, John Lewis, Boots, JD..etc，非常方便。由於屬於好區，樓價較鄰近地區貴1-2成，但亦相對升值潛力為高。   該物業為兩房分層單位(Apartment)，為一個香港家庭(一對夫妻及一個小朋友)租入，包一個車位，大門需獨立鎖匙開啟，步行可到Waitrose, Asda及火車站，位置方便。   分層單位(Apartment)一般好處係保安比較好，能源效益比獨立屋好，換言之慳電，少昆蟲問題及唔洗處理花園問題。壞處係無升降機要行樓梯(舊式Apartment)，地板隔音差(近10年建成就好好多)，及較少戶外活動空間。各有取捨!   準備係英國租樓? 想知多D有關地區或樓宇資訊可聯絡我地。想了解多D我地服務，歡迎隨時查詢。 聯絡我們

租樓注意事項

Market Update / By

租樓注意事項 英國住宅租務需求強大，好校網區內放的租盤可能在兩三日內已租。係香港想預租英國樓更加難上加難，就算預付6個月甚至一年租金，都未必租到。好多人為左成功預租而忽略自己既權益，所以，本文列出租樓要注意事項，希望可以幫到大家: 1.) 按金 按金分兩種，當業主接受你OFFER後開始做信用報告時，你要繳付臨時按金，一般為一星期租金。當正式簽租約時，你就要繳付正式按金，最多為五星期租金(包括之前已付之一星期臨時按金)。而業主或代理必須於30日內將所有已付之按金存入英國政府指定三間按金保障公司，分別為Deposit Protection Service， MyDeposits及Tenancy Deposit Scheme，並通知你有關按金保障公司資料，否則即屬違法。 Tenancy Deposit Scheme (TDP): https://www.gov.uk/tenancy-deposit-protection 2.) 市政稅(Council Tax) 市政稅類似香港差餉，主要用作支付地區政府公共服務設施開支，並由租客支付。可每年或每月支付，但每個地區的市區稅都不同，主要跟樓價掛鉤，可到當區Council綱頁查詢。   Council Tax : https://www.gov.uk/pay-council-tax 3.) 核實業主身份 簽約及繳付按金前必須核實出租人是否屋主，或得到屋主授權協助合法出租(Letting Agent)。任何人均可付費上英國政府網頁查詢物業業主資料，當然經正式地產代理租樓可減低風險。   Land and Property information : https://search-property-information.service.gov.uk/ 4.) 寵物/抽煙 英國大部份業主都不接受寵物，因為對樓宇損耗較大，就算接受也可能要收附加費。但租客千萬不要暪騙業主或代理，必須事先講清楚有否養寵物及抽煙，否則有事時（如火災）可能導致保險失效，而業主或代理上門檢查時發現租客暪騙，可能會終止租約。 5.) Room and Space Standards 租樓前要留意該指引，以免觸犯Home Overcrowding 條例，如超過法定人數，業主或代理亦有權拒租。Room Standard指引列明一間睡房只可容納: 一對成年夫婦，一個16歲以上的成年人，兩個16歲以下同性兒童， 兩個10歲以下兒童。另外亦可用Space Standard去衡量。詳細資料可於以下網頁查詢。   Home Overcrowding Meaning: https://england.shelter.org.uk/housing_advice/repairs/check_if_your_home_is_overcrowded_by_law …

租樓注意事項 Read More »

租樓流程

Market Update / By

租樓流程 移民英國第一步當然是租樓，英國租樓程序跟香港有些不同，但最重要是英國地產代理效率跟香港大不同，電郵永遠要隔幾日先回覆，甚至沒有回覆，要到達英國前租到樓，真的要花不少時間心血工夫。   網上已經有不少租樓流程資料，這裡就不會詳情再解釋，只列出重點考慮因素: 係英國租樓的確好多野煩，尤其隔山買牛，唔能夠親身睇樓及處理文件。我地都經歷過撞板過，所以我地既服務可以免除你大部份煩惱。想了解多D我地服務，歡迎隨時查詢。   有用網站 搵樓網站Rightmove: https://www.rightmove.co.uk/ 搵樓網站Zoopla: https://www.zoopla.co.uk/　 社區統計包括職業種族資料: https://www.streetcheck.co.uk/ 社區罪案率：https://www.police.uk/pu/your-area/ 校網及學校評級資料https://www.locrating.com/ 水浸地區資料https://check-for-flooding.service.gov.uk/find-location