Rostrevor Road, Stockport, SK3 8UT Rent : £1,400 pcm Location : 154 Rostrevor Road, Stockport, SK3 8UT House Type : Detached House Bedroom : 3 Bathroom/Toilet : 1 Available Date : Jul 23 Key Features : Stunning three bedroom & one modern bathroom detached house; Driveway and double length garage; Bright and spacious lounge and …
Burnage Lane (1/F), Didsbury, Manchester M19 1RS Fixed Price : £185,000 Location : 838 Burnage Lane (1/F), Didsbury, Manchester M19 1RS Gross Area Approx. 610 sq. ft (Approx. 57 sq. m) House Type : Flat on 1/F with exclusive entrance on G/F Bedroom : 2 Bathroom/Toilet : 1 Possession : Vacant Key Features : …
Symmonds Close, Wilmslow, SK9 2TD Fixed Price : £625,000 Location : 7 Symmonds Close, Bollin Park, Wilmslow, SK9 2TD Gross Area Approx. 1,117 sq. ft (Approx. 103.8 sq. m) House Type : Detached House Bedroom : 3 (previously 4) Bathroom/Toilet : 3 Possession : Vacant Key Features : – Desirable & fantastic location, – …
Watermead Close, Stockport, SK3 8UX Rent : £1,280 pcm Location : Watermead Close, Stockport, SK3 8UX House Type : Detached House Bedroom : 3 Bathroom/Toilet : 1 Available Date : End May 23 Key Features : Stunning three bedroom & one all white modern bathroom detached house; Bright and spacious lounge and large Rear Garden; …
Woodhouses Avenue, Audenshaw, Manchester M34 5YR Rent : £1,800 pcm Location : 16 Woodhouses Avenue, Audenshaw, Manchester M34 5YR House Type : Detached House Bedroom : 4 Bathroom/Toilet : 3 Available Date : Immediate Key Features : Sought After Location & Immaculate 5-year new built house estate; Close To Golf Course & All Amenities And …
Lyme Place, 195 King Street Dukinfield, SK16 4TH Rent : £895 pcm Location : Lyme Place, 195 King Street Dukinfield, SK16 4TH House Type : Flat Bedroom : 2 Bathroom : 2 Available Date : End March Key Features : Open balcony with excellent sunset & green view; Desirable and fantastic location; Facing Dukinfield Park …
Lyme Place, 195 King Street Dukinfield, SK16 4TH Read More »
英國租樓貼士 -點樣揀治安好既屋 今日講下大家無論租屋買樓最關注既問題-治安。治安差間屋幾平幾靚都假，日日提心吊膽，出左街又驚間屋被人爆竊，行街又驚被人打劫，所以決定租屋買樓前一定要睇清楚間屋附近治安好唔好。當然，冇人可以好肯定咁答你間屋附近治安一定好，就算本地人住左幾十年英國都一樣要問人及要睇客觀數據去分析，目的就係盡量避免治安差既地方。所以，小弟今次盡量分享一下經驗，以大區小街鄰居三個層面去協助大家係大曼徹斯特揀到治安比較好既樓去住。 大區 大曼徹斯特分十個大區，除左曼徹斯特市中心外，亦包括周邊的Salford、Trafford、Stockport、Tameside、Bolton、Bury、Oldham、Rochdale及Wigan。其實網上已經有好多每區分析(可參考以下星島日報分析，有參考性！ link係下面)，呢度唔會浪費大家時間再續個講，但有一個大方向要記住，首選大曼區南部(如 Stockport /Trafford) ，然後西部(如Salford) 及北部(Bolton/Bury/Rochdale) ，最後東部(如 Oldham/Rochdale) 。點解南部最好，因為比較多好學校，平均教育水平高，有火車 Metrolink，近曼城機場及往倫敦高速公路，所以比較多本地中產、名人、專業人士及富豪尤其球星住係南部。以英國足球明星為例，好多都住係南部，尤其金三角(Golden Triangle)即Alderley Edge, Prestbury及Wilmslow，俗稱Footballer Belt ，以前 C朗(Cristiano Ronaldo)就曾經住係 Stockport既Woodford，碧咸(David Beckham)就住係 Alderley Edge等。而家曼城新星Phil Foden就住Bramhall，Raheem Sterling更係Reddish買左6幢屋放租，個個爭住租。其他曼城球員如John Stones、 Kyle Walker，同曼聯球員如Luke Shaw、Harry Maguire 及 Marcus Rashford唔係住係Trafford(Hales/Bowdon) 就住係金三角。其他大區唔係話治安好差，只係相對上冇南部咁好。每個地區都有治安差少少既小區街道，南部都會有。記住只係相對上比較好治安。如果有人話你知 Sale冇爆竊就肯定呃你。 星島日報: 曼徹斯特熱門地區全攻略 樓價租金治安大比拼 – 星島虎報海外地產 (singtaoopo.com) 小區街道 第二個層次睇小區街道。第一，要盡量避免揀太接近火車站或商店街，因為肯定多閒雜人出入，罪案率係呢D地方通常係最高。第二，唔好揀有太多 Social或Council house既街(絕對唔係歧視弱勢社群人士)。大家都明白呢啲房屋屬於社會福利型房屋，租金只係市場一半甚至乎三分之一，主要係俾低收入甚至乎無收入人士、單親家庭、殘疾人士或無家可歸等有困難人士入住，周圍環境一般都比較混亂污糟及治安差少少，當然唔可以一概而論，有D都好企理乾淨，但一般物業投資者都會避開，以免影響物業投資價值。第三，盡量唔好揀間屋係連接公園，因為公園屬於公眾地方，任何人都可以進入，容易招惹賊人，而且英國有好多流浪家庭(Gypsies and Travellers) 聯群結隊揸住架旅行車(Caravan) 週圍去，佢地多數泊係公園住一排(短則一個月長則一年)，由於冇工作做，好多都會去附近超市房屋偷竊，令到附近罪案大增。另外，間屋既花園唔好貼住後巷，同樣道理，因為任何人都可以經後巷爬入花園再入屋，所以可免則免。貼住鄰居花園最好。最後，多D做資料搜集，用streetcheck 睇下係條街既罪案率、職位、職業種類、年齡、家庭人數及種族等資料，選擇適合自己要求既街道。不過，要留意曼城既係2019年7月之後既Crime Rate有部份因電腦系統問題而無左，所以最好參考2019年7月之前既數字比較真實。 …
英國租樓注意事項 – 記得核實業主身份 網上租樓騙案層出不窮，就連英國本土人都中招，何況我們香港人隔岸租樓! 現在英國住宅租務需求強大，好區內稍為好的租盤已可能在兩三日內租出。人在香港想預租英國樓更加難上加難，就算預付6個月甚至一年租金，都未必租到。因此，好多人心急租樓就成為騙案主受害者，所以簽約及繳付按金前必須核實出租人是否業主，或得到業主授權協助合法出租(Letting Agent)。現在網上好多代業主放租或所謂直接業主放租的樓盤，都可能是非正式代理(無正式公司營運)，出事後可能無法追究或追討賠償。所以簽約及繳付按金前必須要求對方出示業主身份證明，千萬不要只睇相片或影片就租，最好找無利益衝突的第三者到現場看及核實業主身份，免招損失。 除此之外，要留意樓盤租金是否比市場低，騙徒通常用靚相加平租金吸客，有人上釣後就話自己不在英國，但間屋可隨時入住，然後叫你電匯按金或租金給他的非英國銀行戶口，知道被騙後，錢已被調走，基本上無可能收回。還有，騙徒通常因急於叫你付錢而會答應你任何條件，例如遲起租又可以，要求換地毯或連傢俬又可以，如果你覺得應承得太爽快，就要小心。總之有懷疑，就要三思! 其實任何人可以付費上英國政府網頁查詢物業業主資料，核實業主身份後先付錢，被騙機會自然低好多。現在使用我們「移英前居住支援服務」，將可於簽約時獲得免費查詢物業業主資料一次，讓你安心租樓。 Land and Property information : https://search-property-information.service.gov.uk/ The online scammers renting out other people’s homes (BBC): https://www.bbc.co.uk/news/av/uk-england-dorset-57599056 英國租樓注意事項: https://www.facebook.com/permalink.php?story_fbid=pfbid02SKRFpzDUyTLXNTX1uMQNxdYPumF1J4yCc8MsToqe4z2FqKTsoFL9zDzKqrNsrXvQl&id=100088903368683 聯絡我們
英國租樓注意事項: 租房屋(House) ?還是租樓(Flat)好呢? 大家移民去英國，除左考慮地區外，租什麼類型房屋住亦好重要！由於英國房屋種類好多，無論租屋買樓前都要仔細研究清楚先好決定，否則不單只損失金錢及時間，分分鐘家嘈屋閉! 大部份香港人都是住開樓，來到英國當然想住屋仔啦！又大又有花園，小朋友都開心好多！但凡事都有正反，住獨立屋其實亦有好多日常問題要處理，所以決定前，一定要先了解潛在問題及成本。所以今次會簡單講解一下英國不同類型樓宇及房屋的優點及缺點，希望可以幫到大家決定租屋定租樓啦！ 英國房屋種類好多，今次集中講比較多人選擇的類型，其他如Cottage, Mews, Park Home, Townhouse, Mansions and Conservation Properties，就不會講解，有興趣可以自行上網搜查。 分層單位(Flat/Apartment）／ 改建單位(Converted Flats) Flat/Apartment 都是分層單位，通常指一幢大廈內有多個單位，但Flat一定係得一層，Apartment有可能多過一層，即是內複式單位。這些大廈建築目的是為提供住宅 (Purpose-built Flats)，多數位於近巿中心地段，由開放式至1、2、3、4房都有，類似香港一般大型屋苑 (下稱「新大廈」)。但要注意英國也有些比較舊式的Purpose-built Flats，例如全幢得三至四層無升降機，呢類舊樓的公共設施同上述新大廈是大不同 (下稱「舊樓」)。還有一種幾常見的單位叫Converted Flats，通常是由較舊的大型建築物如教堂、大屋甚至工廠改建，分間成多個不同的住宅單位(下稱「改建單位」)。 優點: 新大廈有屋苑管理處，保安嚴密，通常有 cctv ，住戶要拍住戶卡先可以入大廈大堂，有些甚至乎要拍卡先可以搭升降機，非常安全。而且有比較多公用設施如健身室、服務台、花園或閱讀室，有些甚至乎有 co-working space。舊樓或改建單位就多數無以上設施，保安可能得條大廈大門鎖匙，公用地方就可能有個小花園。 分層單位由於通常只得一面牆身向外，室內温度比較穩定，有些新大廈更有鮮風系統，所以屋內溫暖好多。我有個住在新大廈的朋友說，10度以上都不需要開暖爐，的確慳不少能源費。舊樓或改建單位就差少少，因為多數牆身較薄，但都比房屋好。 有些新大廈掉垃圾是不需要分類，所有垃圾掉進垃圾房便可，非常方便。原因可能是空間問題，但當然從環保角度看，這個並不是優點。 由於要付管理費（通常租金已包），日常樓宇公共保養維修問題都由大廈管理公司負責，如外牆抺玻璃，租客可以煩少好多。 缺點 : 戶外空間比較少，無花園，除非單位連大露台，否則想食支煙都要落樓。 車位數目不足。英國大廈通常都不會一戶一車位，好多甚至無住戶車位提供。除非隔離有大型公共停車場，否則租樓時要考慮泊車問題，問清楚有無車位。舊樓或改建單位就比較好，因為單位數目比新大廈少，有機會一戶一車位。 舊樓及改建單位通常無升降機要行樓梯，送貨可能要加錢。新大廈超過3層就通常有升降機，要睇清楚。 舊樓及改建單位的隔音比新大廈差，因為牆身通常比新大廈較薄。如果鄰居鍾意開派對或樓上小朋友較活躍，都幾煩。當然一般在０７００—２３００以外時間覺得有噪音，你可以向Council投訴。 舊樓及改建單位掉垃圾是需要分類，而且要使用公家的大型家居及回收垃圾桶。由於是共用，如果鄰居有太多垃圾要掉的話，或會衍生掉不到垃圾的問題。 房屋 (House) 獨立屋(Detached House)，顧名思義是整座建築物只有一個家庭住，而且沒有跟其他房屋相連，通常至少3房以上，有前後花園、車房或私人車路(Driveway)，私隱度最高。 半獨立屋(Semi-Detached House)，即是整座建築物中間分開一半，左右各有一個家庭。同樣有前後花園、車房或私人車路(Driveway)，但私隱度就比獨立屋差少少。 排屋(Terraced Houses)，在英國尤其大城市最普遍的房屋類型，就是一排相同房屋連在一起，房屋兩邊彼此相連，非常密集。排屋一般都無前後大花園或停車位，最多只有一個細Backyard，泊車位在門前。而在排屋兩邊盡頭的排屋叫排屋頭尾戶(End-Terrace House)，由於只有一邊相連，私隱度比普通排屋高，跟半獨立屋相似，所以租金亦比普通排屋稍高。 平房(Bungalow)，一般是獨立式單層建築的房屋，因為所有睡房廚房廁所浴室客飯廳均在地下，不用上落樓梯，所以很適合退休人士或有老人家的家庭。但有些平房可能有兩層，因為閣樓已被改建為睡房。平房通常佔地比較大，有前後花園、車房或私人車路，所以私隱度及價錢亦會較半獨立屋或排屋高。 …
業主放租注意事項 係英國做業主唔難，但要做收租業主就要好多事項要注意及做足，因為英國法例比較保護租客，如果做唔足，不單只影響租客居住安全，仲分分鐘可能被告上法庭罰款兼坐監。所以，業主必睇清楚有無做足以下事項，先好放租。 1.) 能源效益報告 (Energy Performance Certificate (EPC) ) 能源效益報告(EPC)主要為評估單位內所有使用能源之電器設備的效益，簡單講就係有幾慳能源，評級愈高(最高為A最低為G)就愈慳能源，為業主或租客提供投資前或租入前一個成本指引。英國所有住宅單位出租前，業主必須提供EPC，違者會被罰5,000英鎊。而根據政府The Domestic Minimum Energy Efficiency Standard (MEES) Regulations，由2020年4月1日起，任何出租住宅單位EPC 評級必須為E或以上，換言之，F或G級係不能放租的。每份EPC有效期為10年，坊間做一份EPC價錢並不昂貴，應該約為70-100英鎊。所以，業主們千萬唔好慳這些錢呀! 呢個政府網站可以搜查任何物業既EPC : https://www.gov.uk/find-energy-certificate The Domestic Minimum Energy Efficiency Standard (MEES) Regulations: https://www.gov.uk/guidance/domestic-private-rented-property-minimum-energy-efficiency-standard-landlord-guidance 2.) 氣體安全證書(Gas Safety Certificate) 根據The Gas Safety (Installation and Use) Regulations 1998 (GSIUR)，業主必須找合資格人士每年為出租單位檢查屋內所有氣體設備，包括煤氣熱水爐或煤氣煮食爐、暖氣管道或煙囪等有關設備(gas appliances, fittings, chimneys, flues and pipework)。檢查通過後，會發出氣體安全證書(Gas Safety Certificate or CP12)，業主必須保留有關記錄最少兩年。而有關證書必須於出租時提供予租客。違者會被罰至少6,000英鎊式或監禁6個月。其實該檢查並不昂貴，如果一切正常，費用應該約為50-80英鎊。 …
